Wurmlinger Narrenmarsch

Wurmlinger Narrenmarsch
Wenn d’Hase bached Fasnetküechle,
ganze grauße Krätte voll,
und Narre winket, mit m’Tüechle,
das die Fasnet komme soll
No juzgerets und pfuzgerets
Und älles ischt verruckt,
wer etz it närrisch und hoorig ischt,
dem geit de Bock en Ruck!
„Fasnetsnarre kugelrund,
d’Fasnet mached älle gsund!“
Vom Seltl rueft sell Krattaweible:
„ Hansele zie d’Maschker a
de Buure traget raute Leible
närrisch ischt etzt Weib und Ma!
No schäpperets und klepperets,
und älles isch verruckt,
wer etz it närrisch und hoorig ischt,
dem geit de Bock en Ruck!
„Fasnetsnarre kugelrund,
d’Fasnet mached älle gsund!“
Wenn d’Musik spielt und d’Narreschelle
klinglet, dass mer tanze mueß,
no lupfet,ob se au it wöllet
älle Maidle Rock und Fueß!
No pluderets und pfluderets
und älles isch verruckt,
wer etz it närrisch und hoorig ischt,
dem geit de Bock en Ruck!
„Fasnetsnarre kugelrund,
d’Fasnet mached älle gsund!“

Leave A Comment

Deine E-Mail-Adresse wird nicht veröffentlicht. Erforderliche Felder sind mit * markiert.

Cart
Your cart is currently empty.